Şamil Əliyev Naxçıvan Regional DOST Mərkəzinə direktor müavini təyin olunub
Elpress.az xəbər verir ki, Şamil Məmmədsaleh oğlu Əliyev Naxçıvan Regional DOST Mərkəzində rəhbər vəzifəyə təyin edilib.DOST Agentliyinin İdarə Heyətinin sədri Fərid Məmmədovun imzaladığı əmrlə Şamil Əliyev mərkəzin direktor müavini vəzifəsinə gətirilib. O, eyni zamanda mərkəzin direktorunun səlahiyyətlərini icra edəcək.Şamil Əliyev Azərbaycan Dövlət Pedaqoji Universitetində “Menecment” ixtisası üzrə ali təhsil alıb. Əmək fəaliyyətinə 2018-ci ildə Dövlət Sosial Müdafiə Fondunda başlayıb, 2019-cu ildən isə DOST Agentliyində çalışır.Vətən müharibəsi iştirakçısı olan Şamil Əliyev Prezidentin müvafiq sərəncamları ilə “Zəngilanın azad olunmasına görə”, “Qubadlının azad olunmasına görə” və “Vətən müharibəsi iştirakçısı” medalları ilə təltif edilib.
