Elpress.az xəbər verir ki, 2026-cı ilin yanvar-may aylarında Azərbaycanda siqaret istehsalı ötən ilin eyni dövrü ilə müqayisədə əhəmiyyətli dərəcədə yüksəlib.
Rəsmi statistikaya əsasən, hesabat dövründə ölkə üzrə 7 milyarddan çox siqaret istehsal olunub. Bu göstərici ötən ilin ilk beş ayı ilə müqayisədə 19,8 faiz artım deməkdir.Hazır məhsul ehtiyatlarında da artım qeydə alınıb. İyunun əvvəlində anbarlarda 1 milyarddan çox siqaret məhsulu mövcud olub ki, bu da bir il əvvələ nisbətən 46,1 faiz çoxdur.Tütün sənayesində artım emal olunmuş məhsulların istehsalında da özünü göstərib. Son bir ildə bu kateqoriya üzrə istehsal həcmi 2 dəfədən çox yüksələrək 1 916,7 tona çatıb.Eyni zamanda, emal edilmiş tütün məmulatlarının ehtiyatları da artaraq 1 363 ton təşkil edib. Bu göstərici ötən ilin analoji dövrü ilə müqayisədə iki dəfə yüksəkdir.
