Ali məktəblərə imtahansız qəbul qaydaları dəyişdi: Subbakalavrlar narazıdır, DİM-dən cavab gəldi
Elpress.az xəbər verir ki, Ölkədə bəzi subbakalavrlar ali təhsil müəssisələrinə qəbul qaydalarındakı son dəyişikliklərdən narazılıqlarını dile gətiriblər. Məzunların sözlərinə görə, 150 ballıq ixtisasların sayının artırılması vakant yerləri azaldaraq onların imtahansız qəbul şanslarını xeyli aşağı salıb. Xüsusilə I və II ixtisas qruplarında tətbiq edilən yeni şərtlər ali məktəbə düşmək imkanlarını məhdudlaşdırıb.Məsələyə münasibət bildirən Dövlət İmtahan Mərkəzi (DİM) isə prosesin mövcud qanunvericilik və qaydalara tam uyğun aparıldığını vurğulayıb. Qurumdan bildirilib ki, subbakalavrlar ali məktəblərə həm imtahansız müsabiqə yolu ilə, həm də istəsələr imtahanda iştirak edərək qəbul olmaq hüququna malikdirlər.
