Sabah Azərbaycanda hava şəraitinin əsasən sabit keçəcəyi, bəzi bölgələrdə isə yağış yağacağı gözlənilir.
Elpress.az xəbər verir ki, Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Arabir güclənən şimal-qərb küləyi əsəcək.Paytaxtda havanın temperaturunun gecə 21-24, gündüz isə 27-32 dərəcə isti olacağı proqnozlaşdırılır.Rayonlarda isə dağlıq və dağətəyi ərazilərdən başlayaraq bəzi yerlərdə yağış yağacağı, şimşək çaxacağı və dolu düşəcəyi ehtimal edilir. Ayrı-ayrı ərazilərdə yağıntının qısamüddətli intensiv xarakter alacağı gözlənilir.Havanın temperaturu rayonlarda gecə 21-26, gündüz 31-36 dərəcə isti, dağlıq ərazilərdə isə gecə 9-14, gündüz 19-24 dərəcə isti olacaq.
