Azərbaycanda qeyri-sabit hava şəraiti davam edir. Ölkənin bəzi ərazilərində fasilələrlə yağış yağır, ayrı-ayrı rayonlarda leysan xarakterli yağıntı və şimşək müşahidə olunur.
Elpress.az xəbər verir ki, avqustun 14-ü saat 10:00-a olan məlumata əsasən, əsasən dağlıq və dağətəyi rayonlarda yağıntılar intensiv və güclü olub.Ən çox yağıntı Sarıbaşda (Qax) – 53 mm, Balakəndə – 45 mm, Zaqatalada – 44 mm, Xınalıqda – 40 mm qeydə alınıb.Digər ərazilərdə düşən yağıntının miqdarı belə olub:
Qrız – 20 mm
Qusar – 10 mm
Gədəbəy – 10 mm
Quba və Tovuz – 8 mmAğdam – 7 mmXaçmaz, Şabran və Kişçay (Şəki) – 4 mmDaşkəsən, Lənkəran, Ceyrançöl və Culfa – 3 mmŞahdağ və Qəbələ – 2 mmGöygöl, Gəncə, Naftalan, Oğuz, Tərtər, Mingəçevir, İsmayıllı, Kəlbəcər, Laçın, Füzuli, Zəngilan, Sabirabad, həmçinin Bakı və Abşeron yarımadasında – 1 mm yağıntı düşüb.Xüsusilə dağlıq və dağətəyi ərazilərdə yağıntıların güclənməsi ilə yanaşı, şimşək çaxması da müşahidə olunur.
Milli Hidrometeorologiya Xidmətinin məlumatına görə, avqustun 14-də Azərbaycanın rayonlarında bəzi yerlərdə arabir yağış yağacağı, ayrı-ayrı ərazilərdə yağıntının qısamüddətli leysan xarakterli və intensiv olacağı, şimşək çaxacağı və dolu düşə biləcəyi gözlənilir.
Məlumata əsasən, əsasən dağlıq və dağətəyi rayonlarda yağıntıların bir qədər güclənəcəyi ehtimal olunur. Gecə və səhər saatlarında bəzi dağlıq ərazilərdə duman da müşahidə oluna bilər.Bakıda və Abşeron yarımadasında isə avqustun 14-də havanın əsasən yağmursuz keçəcəyi gözlənilir. Lakin səhər saatlarında yarımadanın bəzi yerlərində qısamüddətli az yağış ehtimalı var.
