Qəbul olunan şagirdlər sənədlərini sentyabrın 7-dək təqdim etməlidirlər
Elpress.az xəbər verir ki, 2026–2027-ci tədris ili üzrə mərkəzləşdirilmiş imtahanla şagird qəbulu həyata keçirən lisey və gimnaziyalarda II mərhələ üzrə seçimlərin nəticələri açıqlanıb.Nəticələr şagirdlərin şəxsi kabinetlərinə yerləşdirilib. Qəbul nəticələrini elektron hökumət portalında yerləşən sy.edu.az platformasının “İmtahanlar” bölməsindən öyrənmək mümkündür.Şagirdlər üçün sistemdə avtomatik sorğular da yaradılıb. Hər bir namizəd şəxsi kabinetinin “Sorğularım” bölməsinə daxil olaraq müvafiq məlumatlarla tanış ola bilər.Qəbul olunan şagirdlər şəxsi işlərini və tələb olunan digər sənədləri sentyabrın 7-si saat 12:00-dək qəbul olunduqları təhsil müəssisəsinə təqdim etməlidirlər.Sentyabrın 2-dən etibarən müəyyən edilmiş son tarixədək sənədlərini təqdim etməyən şagirdlərin sistemdəki sorğuları silinəcək və onların qəbul nəticələri etibarsız hesab olunacaq.Bildirilib ki, lisey və gimnaziyalara qəbul prosesi üzrə III mərhələ keçirilməyəcək.
