Azərbaycan Hökuməti və BMT-nin Məskunlaşma Proqramı (UN-Habitat) dayanıqlı şəhər inkişafının təşviqi məqsədilə yeni qlobal mükafat – Bakı Şəhərsalma Mükafatını (Baku Urban Award) təsis edir.
Elpress.az-ın Qafqazinfo.az-a istinadən verdiyi məlumata əsasən WUF13 çərçivəsində dayanıqlı şəhər inkişafı və əlçatan mənzil sahəsində qabaqcıl şəhərsalma həllərinin təşviqi məqsədilə Azərbaycan Respublikası Hökumətinin təşəbbüsü və BMT-nin Məskunlaşma Proqramı (UN-Habitat) ilə birgə təsis olunan yeni beynəlxalq mükafat – Bakı Şəhərsalma Mükafatının (Baku Urban Award) rəsmi təqdimetmə mərasimi keçirilib.Mükafat uzunmüddətli sosial, iqtisadi və ekoloji təsir yaradan praktik şəhər həllərinin beynəlxalq səviyyədə tanıdılmasına yönəlmiş qlobal platforma kimi formalaşdırılır.O, Ümumdünya Şəhərsalma Forumunun (WUF13) əsas irs elementlərindən biri olacaq və forumdan kənarda da qlobal şəhər gündəliyinin inkişafını dəstəkləyən davamlı beynəlxalq mexanizm kimi fəaliyyət göstərəcək.Təşəbbüs üç əsas istiqaməti birləşdirir: şəhərsalmada tətbiq olunan praktik həllər, ekspert və elmi yanaşmalar, həmçinin uğurlu təcrübələrin siyasətə inteqrasiyası.Qiymətləndirmə memarlıq, şəhərsalma, mənzil təminatı, iqlim dayanıqlılığı, maliyyə və vətəndaş cəmiyyəti sahələrində beynəlxalq ekspertlərdən ibarət müstəqil münsiflər heyəti tərəfindən aparılacaq. Mükafat bütün regionları əhatə edən açıq platforma olacaq.Bu təşəbbüs Azərbaycanın qlobal şəhərsalma və iqlim gündəliyinə sadiqliyini bir daha nümayiş etdirir. Bu istiqamətdə COP29-a ev sahibliyi, “MAP” təşəbbüsü, “Bakı Davamlılıq Koalisiyası”, UN-Habitat çərçivəsində əməkdaşlıqlar və WUF13-ün Bakıda keçirilməsi kimi addımlar da yer alır.Azərbaycan–UN-Habitat əməkdaşlığı 2022-ci ildən etibarən Azərbaycan Milli Şəhərsalma Forumunun yaradılması ilə daha da güclənib və Qarabağ və Şərqi Zəngəzurda keçirilən forumlar, eləcə də Bakıda Ümumdünya Məskunlaşma Günü tədbirləri ilə davam etdirilib.
