Yay aylarında süfrələrin vazkeçilməz ikilisi olan qarpız və pendirin birlikdə istehlakının zərərli olub-olmaması ilə bağlı yayılan fikirlərə həkimlər aydınlıq gətiriblər.
Elpress.az xəbər verir ki, Mütəxəssislərin sözlərinə görə, sağlam insanlarda qarpız və pendirin birlikdə yeyilməsi ümumilikdə təhlükəli hesab edilmir. Əksinə, qarpızın tərkibindəki su, vitamin və antioksidantlar, pendirdəki zülal və kalsiumla bir-birini tamamlayır.Dietoloqlar bildirirlər ki, pendirdə olan zülal və yağ qarpızın daha yavaş həzm olunmasına kömək edərək toxluq hissini uzada bilər.Bununla belə, laktoza həssaslığı və ya həzm sistemi problemləri olan şəxslərdə bu kombinasiya köp, qaz və narahatlıq yarada bilər. Həkimlər vurğulayırlar ki, əsas risk qidaların birlikdə yeyilməsində deyil, onların normadan artıq miqdarda qəbul edilməsindədir.
