Paytaxt nəqliyyatında yeni addım: AYNA 6 yeni ekspres marşrut xətti açır və mövcud xətlərdə avtobus sayını artırır
Elpress.az xəbər verir ki, Azərbaycan Yerüstü Nəqliyyat Agentliyi (AYNA) tərəfindən Bakıda 6 yeni ekspres avtobus marşrutu fəaliyyətə başlayacaq və bir sıra mövcud xətlərdə avtobusların sayı artırılacaq. Avtobuslar metronun iş rejiminə uyğun olaraq saat 06:00-dan 00:00-dək fəaliyyət göstərəcək.Yeni açılan ekspres xətləri aşağıdakılardır:
M1 – “Elmlər Akademiyası” və “28 May” stansiyaları arasında;M2 – “İnşaatçılar”, “Nizami” və “28 May” stansiyaları arasında;M3 – “20 Yanvar”, “Nizami” və “28 May” stansiyaları arasında;M4 – “20 Yanvar” və “Koroğlu” stansiyaları arasında;M5 – “20 Yanvar” və “Gənclik” stansiyaları arasında;M6 – “Elmlər Akademiyası” və “Gənclik” stansiyaları arasında.Bundan əlavə, 2, 6, 7A, 9, 10, 14, 17, 18, 26, 61, 65, 79, 85, 88, 88A, 93, 133, 165, 199 və 202 nömrəli marşrutlarda nəqliyyat vasitələrinin sayı artırılaraq intervallar azaldılacaq.
