Şamaxının Meysəri kəndində Barbekü Festivalının ilk günü rəngarəng tədbirlər və kulinariya təqdimatları ilə yadda qalıb.
Elpress.az xəbər verir ki, iki gün davam edəcək festival yerli və xarici qonaqları bir araya gətirərək fərqli mətbəx nümunələrinin nümayiş olunduğu platformaya çevrilib.Tədbirdə 20-yə yaxın ölkədən gələn peşəkar şeflər iştirak edirlər. Müxtəlif beynəlxalq festivallarda təcrübə qazanmış aşpazlar öz bacarıqlarını nümayiş etdirərək qonaqlara fərqli təamlar təqdim ediblər.Festival çərçivəsində kulinariya zonalarında maraqlı yarışmalar təşkil olunub, restoran pavilyonlarında isə iştirakçılar müxtəlif xalqların mətbəxi ilə yaxından tanış olmaq imkanı əldə ediblər.Barbekü Festivalı iyunun 14-də də davam edəcək. İkinci günün proqramında “Steyk şou”, şeflərin ustad dərsləri və musiqili əyləncə tədbirləri yer alacaq. Aşpazlar steyk hazırlanmasının incəliklərini bölüşəcək, tamaşaçılar isə həm kulinariya nümayişlərini izləyəcək, həm də müxtəlif dadları sınaqdan keçirəcəklər.
