Aysel Əlibəyli
28 Avqust 2026 · 13:16
1036 baxış
“Slavneft-YANOS” zavoduna zərbə endirilib, ərazidə yanğın baş verib
Elpress.az xəbər verir ki, Ukrayna Silahlı Qüvvələrinin Baş Qərargahı Rusiyanın Yaroslavl vilayətində yerləşən “Slavneft-YANOS” neftayırma zavoduna zərbə endirildiyini açıqlayıb. Məlumata görə, hadisə avqustun 28-nə keçən gecə baş verib və zavodun ərazisində yanğın qeydə alınıb.
“Slavneft-YANOS” Rusiyanın iri neft emalı müəssisələrindən biri hesab olunur. Zavodun illik neft emalı gücünün təxminən 15 milyon ton olduğu bildirilir. Müəssisədə benzin, dizel, aviasiya yanacağı və digər neft məhsulları istehsal olunur.
Ukrayna tərəfi zərbə nəticəsində yaranan ziyanın miqyasının dəqiqləşdirildiyini bildirib.
