Binəqədi və Yasamal rayonlarında baş verən oğurluqlara görə 4 nəfər tutulub
Elpress.az xəbər verir ki, Bakının iki rayonunda oğurluq hadisələri ilə bağlı polis tərəfindən əməliyyat keçirilib və şübhəli şəxslər saxlanılıb.Daxili İşlər Nazirliyinin məlumatına görə, Binəqədi rayonu ərazisində fəaliyyət göstərən şirkətlərdən birindən elektrik avadanlıqlarının oğurlanması barədə məlumat daxil olub. Polis əməkdaşlarının keçirdiyi tədbirlər nəticəsində hadisəni törətməkdə şübhəli bilinən 36 yaşlı E.Quliyev və 40 yaşlı M.Gülməmmədov müəyyən edilərək saxlanılıb.Araşdırma zamanı onların elektrik avadanlıqlarını işlədikləri məkandan götürdükləri müəyyənləşdirilib.Bundan başqa, Yasamal rayonu ərazisində yerləşən mağazalardan birindən nağd pul və 4 mobil telefonun oğurlanması ilə bağlı daha iki nəfər saxlanılıb. Oğurluqda şübhəli bilinən H.Məsimzadə və E.Zeynalov polis əməkdaşları tərəfindən müəyyən edilərək tutulublar.Hər iki fakt üzrə araşdırmalar davam etdirilir.
