F-16 qırıcıları Bedminster üzərində uçuş məhdudiyyətlərini pozan təyyarələri ərazidən çıxarıb
Elpress.az xəbər verir ki, ABŞ-ın Nyu-Cersi ştatının Bedminster şəhərində yerləşən qolf-klubunun üzərində bir neçə təyyarə uçuş məhdudiyyətlərini pozub.Şimali Amerikanın Aerokosmik Müdafiə Komandanlığının (NORAD) məlumatına görə, ümumi aviasiyaya aid olan təyyarələr müvəqqəti uçuş məhdudiyyəti tətbiq edilən əraziyə daxil olub.Bunun ardınca ABŞ Hərbi Hava Qüvvələrinə məxsus F-16 qırıcıları havaya qalxaraq həmin təyyarələri təhlükəsiz şəkildə məhdudlaşdırılmış zonadan kənara çıxarıb.Sözügedən qolf-klubun ABŞ Prezidenti Donald Trampa məxsus olduğu bildirilir. Trampın həftəsonunu burada keçirdiyi və daha sonra Vaşinqtona qayıtmasının gözlənildiyi qeyd olunub.
