KİV: “Lockheed Martin” və “Raytheon” “Patriot” istehsalının Ukraynaya verilməsinə qarşıdır
Elpress.az xəbər verir ki, ABŞ-ın “Patriot” hava hücumundan müdafiə sistemlərini istehsal edən “Lockheed Martin” və “Raytheon” şirkətlərinin bu silahların Ukraynada istehsalına icazə verilməsi planından narahat olduğu bildirilir.“The Atlantic” jurnalının məlumatına görə, şirkətlər lisenziyanın Kiyevə təqdim edilməsinə etirazlarını texnologiyaların ötürülməsi və əqli mülkiyyətin qorunması ilə bağlı narahatlıqlarla əsaslandırmağa hazırlaşır.Nəşrin Konqresdəki mənbəsi isə şirkətlərin əsas narahatlığının Ukraynada “Patriot” sistemlərinin ABŞ-dakından daha aşağı istehsal xərci ilə hazırlanması ehtimalı olduğunu bildirib.Məlumata görə, material hazırlanarkən ABŞ Prezidenti Donald Trampın Ukraynaya lisenziyanın verilməsi ilə bağlı yekun qərar qəbul edib-etmədiyi rəsmi olaraq təsdiqlənməyib.
