Rusiyalı deputat Budapeştin mövqeyindən sonra enerji tədarükünün risk altına düşə biləcəyini deyib
Elpress.az xəbər verir ki, Rusiya Dövlət Dumasının deputatı Andrey Kolesnik Macarıstanın Moskva ilə bağlı dəyişən mövqeyinin iki ölkə arasındakı enerji əməkdaşlığına təsir göstərə biləcəyini bildirib.Kolesnik “Gazeta.ru”ya açıqlamasında Budapeştin Rusiyanı təhlükə kimi qiymətləndirməsindən sonra Macarıstana neft və qaz tədarükünün gələcək taleyinin sual altında qala biləcəyini deyib. Onun sözlərinə görə, Macarıstanın mövqeyinin formalaşmasında Brüsselin təsiri var.Rusiyalı deputatın bu açıqlaması Macarıstan hökumətinin xarici siyasət istiqamətində dəyişiklik barədə bəyanatından sonra səslənib. Budapeştin BMT Baş Assambleyasının 81-ci sessiyası ərəfəsində hazırladığı sənəddə Rusiyanın Ukraynaya qarşı hərbi təcavüzü pislənilir, Ukraynanın suverenliyi və ərazi bütövlüyünə dəstək ifadə olunur. Sənəddə Rusiyanın Macarıstan, Avropa və beynəlxalq təhlükəsizlik üçün risk yaratdığı bildirilib.Bununla yanaşı, Kolesnikin açıqlamasının Rusiyanın Macarıstana enerji ixracını dayandırmaqla bağlı qəbul etdiyi rəsmi qərar olmadığı vurğulanır. Macarıstan hələ də Rusiya enerji resurslarından əhəmiyyətli dərəcədə asılıdır. Bu səbəbdən mümkün neft və qaz tədarükü məhdudiyyətlərinin ölkənin enerji təminatına ciddi təsir göstərə biləcəyi qeyd olunur.
