ABŞ Prezidenti Donald Trump bildirib ki, yaxın saatlarda İrana qarşı yeni və daha sərt zərbələr həyata keçiriləcək.
ABŞ Prezidenti Donald Tramp Ağ Evdə jurnalistlərin suallarını cavablandırarkən İrana qarşı yeni hərbi əməliyyatların həyata keçiriləcəyini açıqlayıb. O bildirib ki, yaxın saatlarda İran hədəflərinə qarşı daha sərt zərbələr endiriləcək.Tramp çıxışında ABŞ qüvvələrinin artıq bir gün əvvəl də ciddi hücumlar həyata keçirdiyini xatırladaraq, əməliyyatların davam etdiriləcəyini vurğulayıb. “Biz onları dünən sərt şəkildə vurduq. Bu gün də yenidən sərt şəkildə vuracağıq”, – deyə ABŞ lideri qeyd edib.Prezidentin sözlərinə görə, belə bir qərarın qəbul edilməsinə səbəb İran qüvvələrinin ABŞ-a məxsus hərbi helikopteri vurması olub. O, Vaşinqtonun buna cavab vermək hüququna malik olduğunu bildirib və hadisəni qəbuledilməz addım kimi qiymətləndirib.“Düşünürəm ki, bizim buna haqqımız var. Onlar inanılmaz bir maşını vurublar”, – deyə Tramp əlavə edib.ABŞ prezidenti söhbətin hansı helikopterdən getdiyini dəqiqləşdirməsə də, daha əvvəl Vaşinqton İranı Hörmüz boğazı yaxınlığında ABŞ Ordusuna məxsus “Apache” tipli hərbi helikopteri vurmaqda ittiham etmişdi. Məsələ ilə bağlı İran tərəfinin mövqeyi isə hələlik açıqlanmayıb.
