Kosovonun sabiq prezidenti qətl, işgəncə və qanunsuz həbslərdə təqsirli bilinib
Elpress.az xəbər verir ki, Kosovo üzrə Haaqa Xüsusi Məhkəməsi ölkənin sabiq prezidenti Haşim Taçini müharibə cinayətləri və digər ağır cinayətlərdə təqsirli bilərək 25 il müddətinə azadlıqdan məhrum edib.Məhkəmənin qərarına əsasən, Taçi Kosovo Azadlıq Ordusuna rəhbərlik etdiyi dövrdə qətllər, işgəncələr və qanunsuz həbslərlə bağlı ittihamlar üzrə məsuliyyət daşıyıb.İş üzrə digər təqsirləndirilən şəxslərə də uzunmüddətli həbs cəzaları verilib. Kosovo parlamentinin sabiq spikeri Kadri Veseli 18 il, Yakup Krasniçi 25 il, sabiq deputat Rezep Semili isə 13 il müddətinə azadlıqdan məhrum edilib.Məhkəmənin materiallarında bildirilib ki, təqsirləndirilən şəxslər Kosovonun müstəqilliyinə qarşı mövqedə olan siyasi rəqiblər və mülki şəxslər də daxil olmaqla yüzlərlə insana qarşı cinayətlərin törədilməsində təqsirli biliniblər.
