Ankara sammitində müdafiə sənayesi və hərbi xərclər əsas mövzu olacaq
Elpress.az-ın məlumatına əsasən, NATO-nun Baş katibi Mark Rutte Türkiyənin alyans daxilində strateji rolunu və müdafiə sənayesində artan imkanlarını yüksək qiymətləndirib.Rutte bildirib ki, NATO müttəfiqləri müdafiə xərcləri ilə bağlı götürdükləri öhdəlikləri yerinə yetirməli və hərbi sənaye istehsalını artırmalıdırlar. Onun sözlərinə görə, Türkiyə təxminən 3 min müdafiə şirkətinin fəaliyyət göstərdiyi mühüm müdafiə sənayesi mərkəzinə çevrilib.NATO Baş katibi qeyd edib ki, Ankarada keçiriləcək sammit əvvəlki görüşlərdən fərqli olaraq daha çox təminatların həyata keçirilməsi, hərbi imkanların gücləndirilməsi və müdafiə istehsalının artırılması məsələlərinə həsr olunacaq.Rutte vurğulayıb ki, Avropa ölkələri və Kanada son illərdə müdafiə xərclərini əhəmiyyətli dərəcədə artırıb. Onun sözlərinə görə, son iki il ərzində bu istiqamətdə təxminən 250 milyard dollar əlavə vəsait ayrılıb.Alyans rəhbəri Ukraynaya dəstəyin davam etdirilməsinin və müdafiə sənayesi istehsalının genişləndirilməsinin vacibliyini diqqətə çatdırıb. O bildirib ki, uzun istehsal müddətləri və aşağı məhsuldarlıq müdafiə sahəsində əsas çağırışlardan biri olaraq qalır.Türkiyənin müdafiə sənayesindəki inkişafına toxunan Rutte ölkənin artan texnoloji imkanlarının və geniş sənaye bazasının NATO üçün mühüm əhəmiyyət daşıdığını qeyd edib.İyulun 7-8-də Ankarada keçiriləcək NATO sammitində alyansa üzv ölkələrin dövlət və hökumət başçıları iştirak edəcək. Bu, 2004-cü ildə İstanbul sammitindən sonra Türkiyənin ev sahibliyi etdiyi ikinci böyük NATO zirvəsi olacaq.
