Amerikalı texnologiya sahibkarı İlon Mask rəhbərlik etdiyi xAI şirkətinin yeni süni intellekt modellərinin yaxın vaxtlarda istifadəyə veriləcəyini açıqlayıb.
Elpress.az xəbər verir ki, Maskın paylaşımına əsasən, şirkətin hazırladığı Grok 4.6 modelinin avqustun ilk ongünlüyündə təqdim olunması planlaşdırılır.
Bildirilir ki, yeni versiya daha təkmilləşdirilmiş öyrənmə mexanizmləri və yüksək hesablama imkanları ilə əvvəlki modellərdən fərqlənəcək.Onun sözlərinə görə, növbəti mərhələdə hazırlanmış Grok 4.7 modeli də istifadəçilərin ixtiyarına veriləcək. Yeni modelin daha böyük parametr bazasına malik olacağı və mürəkkəb tapşırıqları daha dəqiq yerinə yetirəcəyi gözlənilir.
Qeyd edək ki, xAI şirkəti 2023-cü ildə yaradılıb və süni intellekt sahəsində rəqabətədavamlı texnologiyaların hazırlanması istiqamətində fəaliyyət göstərir.
