Gürcüstanın müxtəlif şəhər və rayonlarında genişmiqyaslı elektrik enerjisi kəsintisi qeydə alınıb.
Elpress.az xəbər verir ki, hadisə nəticəsində paytaxt Tbilisi ilə yanaşı Rustavi, Batumi və digər iri yaşayış məntəqələrinin də elektrik təchizatında fasilələr yaranıb.Məlumata görə, enerji təchizatının dayandırılmasına səbəb olan amillər hazırda aidiyyəti qurumlar tərəfindən araşdırılır.
Mütəxəssislər nasazlığın mənbəyini müəyyənləşdirmək istiqamətində iş aparırlar.”Gürcüstanın Dövlət Elektrosistemi” Səhmdar Cəmiyyətindən bildirilib ki, elektrik enerjisinin verilişi mərhələli şəkildə bərpa edilir. Hazırda Mtsxeta-Mtianeti bölgəsinin və Tbilisinin bəzi hissələrinin yenidən elektriklə təmin olunduğu qeyd edilir.
Qurumdan verilən məlumata əsasən, ölkə üzrə enerji təchizatının tam bərpası üçün işlər fasiləsiz davam etdirilir.
