Rumıniyanın “Jurnalul Național” nəşri Xəzər dənizinin ekoloji vəziyyəti və strateji əhəmiyyətinə həsr olunmuş məqalə dərc edib.
Elpress.az xəbər verir ki, Məqalədə son illərdə iqlim dəyişiklikləri, yağıntıların azalması və Xəzərə tökülən çaylarda su axınının zəifləməsi nəticəsində dənizin səviyyəsinin aşağı düşdüyü qeyd olunub. Bildirilib ki, bu proses region ölkələri üçün həm ekoloji, həm də iqtisadi baxımdan ciddi çağırışlar yaradır.Nəşr vurğulayıb ki, Xəzər dənizi zəngin enerji ehtiyatları ilə yanaşı, unikal ekosistemi ilə də xüsusi əhəmiyyət daşıyır. Dünyada yalnız bu hövzədə yaşayan Xəzər suitisinin qorunmasının sahilyanı dövlətlərin birgə fəaliyyətini tələb etdiyi diqqətə çatdırılıb.Məqalədə həmçinin qeyd olunub ki, Xəzər dənizi Azərbaycan da daxil olmaqla sahilyanı ölkələrin iqtisadi inkişafı, enerji təhlükəsizliyi, beynəlxalq nəqliyyat əlaqələrinin genişlənməsi və regional əməkdaşlığın möhkəmlənməsində mühüm strateji rolunu qoruyub saxlayır.
