ABŞ Prezidenti İran rəhbərliyini bəşəriyyətə qarşı cinayətlərdə ittiham edib
Elpress.az xəbər verir ki, ABŞ Prezidenti Donald Tramp İranın vəziyyəti və ölkə rəhbərliyi ilə bağlı sərt açıqlamalar verib.Tramp “Truth Social” hesabında İranı uğursuz dövlət kimi xarakterizə edərək ölkənin hərbi və iqtisadi vəziyyətinin ağır olduğunu bildirib. O, İranın Hərbi Dəniz və Hərbi Hava Qüvvələrinin, eləcə də normal fəaliyyət göstərən valyutasının olmadığını iddia edib.
ABŞ Prezidenti həmçinin İran rəhbərliyinin ölkəni normal şəkildə idarə və təmsil etmək iqtidarında olmadığını qeyd edib. Tramp İranda hakimiyyət əleyhinə etirazlar zamanı 100 mindən çox insanın öldürüldüyünü iddia edərək bu rəqəmin məsuliyyətinin İran rəhbərliyinin üzərinə düşdüyünü bildirib.
Tramp İran rəhbərliyinin bəşəriyyətə qarşı cinayətlərə görə mühakimə olunmasının vacibliyini vurğulayıb.
