Hökumət yeni vergi ilə bağlı sənədin qərar olmadığını açıqlayıb, məlumat sızması araşdırılır
Elpress.az xəbər verir ki, Fransada 2027-ci il Sosial Təminat Büdcəsinin hazırlanması çərçivəsində əməkdaşların topladığı əmanətlərə vergi tətbiq edilməsi ilə bağlı təklifin mətbuata sızması siyasi mübahisələrə səbəb olub.İqtisadiyyat naziri Rolan Lekür belə bir variantın hökumət tərəfindən nəzərdən keçirildiyini təsdiqləsə də, məsələ ilə bağlı hələ yekun qərarın qəbul edilmədiyini bildirib.Baş nazir Sebastyən Lökornü isə yayılan məlumatların hökumətin rəsmi mövqeyini əks etdirmədiyini deyib. Baş nazirin kabineti sənədin qərar deyil, müxtəlif administrasiyalar tərəfindən hazırlanan iş materialı olduğunu açıqlayıb. Bildirilib ki, təkliflər dəyişdirilə, qəbul oluna və ya tamamilə rədd edilə bilər.Məlumat sızması ilə bağlı Baş nazirin kabineti hüquq-mühafizə orqanlarına müraciət edib. Hökumət hesab edir ki, belə sənədlərin yayılması iqtisadi proseslərə təsir göstərə, şirkətləri və vətəndaşları yanlış məlumat əsasında maliyyə qərarları qəbul etməyə yönəldə bilər. Sızma zamanı mümkün etimaddan sui-istifadə və peşə sirrinin pozulması hallarının olub-olmadığının araşdırılması da istisna edilmir.Bununla yanaşı, hökumətin gündəmində işçilərin artıq topladıqları vəsaitlərdən daha sərbəst istifadə etməsinə imkan verilməsi ilə bağlı təklifin olduğu bildirilir. Bu çərçivədə 5 min avroyadək əmanətin müvəqqəti çıxarılmasının asanlaşdırılması nəzərdən keçirilir.Rolan Lekür də baş nazirin daha əvvəl əlavə vergi və vergilərin artırılmasına qarşı olduğunu açıq şəkildə ifadə etdiyini xatırladıb.
