Türkiyənin vitse-prezidenti Cevdet Yılmaz ölkənin hərbi çevrilişlər dövründə qəbul edilən Konstitusiyadan imtina etməsinin vacibliyini vurğulayıb.
Elpress.az məlumat verir ki , Türkiyənin vitse-prezidenti Cevdet Yılmaz “24 TV” telekanalına müsahibəsində bildirib ki, ölkənin yeni və mülki Konstitusiyaya ehtiyacı var. Onun sözlərinə görə, Türkiyə hərbi çevrilişlər dövründə qəbul edilmiş Əsas Qanunla fəaliyyətini davam etdirməməlidir.Yılmaz xatırladıb ki, ölkənin son iki Konstitusiyası 27 may 1960-cı il və 12 sentyabr 1980-ci il hərbi çevrilişlərindən sonra qəbul olunub. O bildirib ki, yeni Konstitusiya Türkiyənin müasir inkişaf perspektivlərini və cəmiyyətin gözləntilərini əks etdirməlidir.Vitse-prezident qeyd edib ki, hakim Ədalət və İnkişaf Partiyası (AK Partiya) daxilində yeni Konstitusiya layihəsi ilə bağlı 20-dən çox müzakirə keçirilib. Onun sözlərinə görə, bu proses heç bir siyasi qüvvənin inhisarında olmamalıdır.Cevdet Yılmaz müxalifət partiyalarını da yeni Əsas Qanunun hazırlanması prosesində fəal iştirak etməyə çağıraraq parlamentdə geniş siyasi razılığın əldə edilməsinin vacibliyini vurğulayıb. O bildirib ki, Türkiyənin sonda mülki Konstitusiyanın qəbuluna nail olacağına inanır.
