Pakistanın daxili işlər naziri feldmarşal Asim Munir tərəfindən hazırlanmış xüsusi məktubu İran tərəfinə rəsmi şəkildə təqdim edib.
Pakistanın daxili işlər naziri Möhsin Nəqvi ötən gecə İran və ABŞ arasında vasitəçilik missiyası çərçivəsində Tehrana səfər edib və bu gün İranın xarici işlər naziri Abbas Əraqçi ilə rəsmi görüş keçirib. Görüş zamanı o, Pakistan ordusunun komandanı feldmarşal Asim Munirin İranın ali rəhbərinə ünvanladığı xüsusi məktubu Abbas Əraqçiyə təqdim edib.Nəqvi daha əvvəl İranın daxili işlər naziri ilə görüşü çərçivəsində jurnalistlərə açıqlamasında bildirib ki, bu səfər feldmarşal Asim Munir və Pakistanın baş naziri Şahbaz Şərifin mövcud regional gərginliklə bağlı xüsusi mesajını İranın ali rəhbəri Ayətullah Seyid Əli Xameneiyə çatdırmaq məqsədi daşıyır. O, həmin mesajın olduqca mühüm əhəmiyyət kəsb etdiyini vurğulayaraq, prosesin müsbət nəticələnəcəyinə ümid etdiyini ifadə edib.
