ABŞ hərbi rəhbərliyi şənbə günü açıqlayıb ki, Prezident Donald Trumpın Hörmüz boğazı vasitəsilə İran limanlarına hərəkət edən gəmilərə tətbiq etdiyi blokada çərçivəsində indiyədək 100 ticarət gəmisinin marşrutu dəyişdirilib, daha dörd gəmi isə saxlanılıb.
Elpress.az-ın Amerika mediasına istinadən yaydığı məlumata görə, United States Central Command “X” platformasında paylaşdığı açıqlamada son altı həftə ərzində 15 mindən artıq hərbçinin 100 gəmini yönləndirdiyini, dörd gəmini saxladığını və 26 humanitar yardım gəmisinin keçidinə icazə verdiyini bildirib.Məlumatda qeyd olunub ki, ABŞ qüvvələri aprelin 13-dən etibarən İran limanlarına daxil olan və çıxan ticarət gəmilərinə qarşı blokada həyata keçirməyə başlayıb. Bildirilib ki, əməliyyatda 200-dən çox ABŞ təyyarəsi və hərbi gəmisi, həmçinin idarəolunan raket esminesləri iştirak edir. CENTCOM-un rəhbəri admiral Brad Cooper hərbçilərin missiyanı yüksək dəqiqlik və peşəkarlıqla icra etdiyini vurğulayıb. Onun sözlərinə görə, bu addımlar İranın iqtisadi baxımdan təzyiq altında qalmasına səbəb olub.ABŞ və Israelin fevralın 28-də İrana qarşı hücumlara başlamasından sonra bölgədə gərginliyin davam etdiyi bildirilib. Bu vəziyyətin Tehranın Körfəzdə ABŞ və müttəfiqlərinə qarşı cavab addımlarına, eləcə də Hörmüz boğazının bağlanmasına yol açdığı qeyd olunub.
