“LHS 1140 b” ekzoplanetində ilk dəfə atmosferin mövcudluğu təsdiqlənib
Elpress.az xəbər verir ki, Astronomlar ilk dəfə olaraq ulduzunun “yaşayış zonasında” (Qoldiloks zonası) yerləşən qayalı ekzoplanetdə atmosferin mövcudluğunu təsdiqləyiblər.Space.com portalının məlumatına görə, alimlər Yer kürəsindən 48 işıq ili uzaqlıqda yerləşən “LHS 1140 b” adlı qayalı ekzoplanetdə atmosfer aşkar ediblər. Bu, maye suyun mövcudluğu üçün əlverişli hesab edilən yaşayış zonasında yerləşən qayalı planetdə atmosferin müşahidə olunduğu ilk hadisə kimi qiymətləndirilir.Tədqiqatın aparıcı müəllifi Kollin Herubim bildirib ki, planetin atmosferində helium aşkarlanıb. Onun sözlərinə görə, bu, indiyədək qayalı ekzoplanetlərdə qeydə alınan ilk belə müşahidədir.Ekzoplanetin 2017-ci ildə kəşfində iştirak edən alim Ceyson Dittmann isə qeyd edib ki, planet təxminən on il əvvəl aşkar olunsa da, yalnız indi onun atmosferə malik olduğu elmi şəkildə təsdiqlənib.Tədqiqatçılar hesab edirlər ki, planetin atmosferi istixana effekti yaradacaq qədər qalındır və burada Yerə bənzər şəraitin, eləcə də maye suyun mövcudluğu üçün əlverişli mühitin olması ehtimalı yüksəkdir.Araşdırmanın nəticələri nüfuzlu “Science” elmi jurnalında dərc olunub.
