Böyük Britaniyanın Rəqabət və Bazarlar İdarəsi (CMA) aşağıbüdcəli aviadaşıyıcı Ryanair ilə bağlı araşdırmaya start verib.
Elpress.az xəbər verir ki, araşdırma şirkətin valideynlərdən uşaqları ilə yanaşı oturmaq üçün əlavə ödəniş tələb etməsi ilə əlaqədardır.Tənzimləyici qurum bu praktikanın istehlakçı hüquqlarına və mövcud qanunvericiliyə nə dərəcədə uyğun olduğunu müəyyənləşdirməyə çalışır.Məlumata əsasən, aviaşirkət azyaşlı sərnişinlərin valideynləri ilə birlikdə əyləşməsi üçün hər uçuş istiqaməti üzrə orta hesabla 8 funt sterlinq məbləğində xidmət haqqı alır. Şirkətin qaydalarına görə, 2-11 yaş arası uşaqların valideynlərindən ayrı oturmasına icazə verilmir.“Ryanair” isə ittihamları qəbul etməyərək, ailələr üçün nəzərdə tutulan oturacaq siyasətinin bütün hüquqi tələblərə cavab verdiyini bildirib.CMA-nın açıqlamasında vurğulanıb ki, Böyük Britaniyada fəaliyyət göstərən iri hava yolları arasında bu cür ödəniş tətbiq edən yeganə şirkət “Ryanair”dir. Araşdırmanın nəticələri yaxın aylarda açıqlanacaq.
