Donald Tramp Rusiya-Ukrayna münaqişəsi ilə bağlı Putinin yaxın vaxtlarda sülh sazişi imzalaya biləcəyini bildirib
Elpress.az xəbər verir ki, ABŞ Prezidenti Donald Tramp Rusiya-Ukrayna münaqişəsinin gələcəyi ilə bağlı diqqətçəkən açıqlama verib. O, “Fox News” telekanalına müsahibəsində Rusiya Prezidenti Vladimir Putinin yaxın vaxtlarda sülh sazişi bağlamağa hazır olacağını düşündüyünü deyib.Tramp bildirib ki, döyüş əməliyyatları hələ də davam etsə də, yaxın perspektivdə münaqişənin diplomatik yollarla həlli üçün imkanların yarana biləcəyinə inanır. ABŞ prezidenti Putinin sülh razılaşmasına meylli olacağını düşündüyünü vurğulayıb.Ağ Ev rəhbəri bununla yanaşı, öz prezidentlik müddəti başa çatanadək – 20 yanvar 2029-cu il tarixinə qədər Rusiya-Ukrayna münaqişəsinin tamamilə sona çatacağına ümid etdiyini də ifadə edib.
