Aysel Əlibəyli
15 İyul 2026 · 18:19
1074 baxış
Şəkidə yaşayış evi yanğın nəticəsində istifadəyə yararsız qaldı
Elpress.az xəbər verir ki, Şəki rayonunda baş verən yanğın hadisəsi bir ailəyə ciddi maddi ziyan vurub. Hadisə rayonun Cəyirli kəndində qeydə alınıb. Məlumat daxil olan kimi əraziyə Fövqəladə Hallar Nazirliyinin Şəki və Yevlax rayon Dövlət Yanğından Mühafizə Hissələrinin əməkdaşları göndərilib və alovun söndürülməsi istiqamətində operativ tədbirlər görülüb.Yanğın nəticəsində 1953-cü il təvəllüdlü Əliəhməd Ağasəf oğlu Zeynalova məxsus, ümumi sahəsi 120 kvadratmetr olan fərdi yaşayış evi, eləcə də 80 kvadratmetrlik talvar tamamilə yanaraq yararsız vəziyyətə düşüb. Hadisə zamanı xəsarət alan olmasa da, tikililər tamamilə məhv olub. Yanğının başvermə səbəbi araşdırılır.
