Ermənistanda parlamentin ilk iclası günü Konstitusiya tələbinə əsasən nazirlər kabineti buraxıldı
Elpress.az xəbər verir ki, Ermənistanın Baş naziri Nikol Paşinyan və onun rəhbərlik etdiyi hökumət rəsmən istefa verib. Bu addım ölkə Konstitusiyasının 158-ci maddəsinin tələbinə uyğun olaraq, yeni seçilmiş parlamentin ilk iclas gününə təsadüf edən prosedural xarakter daşıyır.Xatırladaq ki, iyun ayında keçirilən növbədənkənar parlament seçkilərindən sonra formalaşan Milli Məclis ilk iclasına toplanıb. Mövcud qanunvericiliyə əsasən, yeni kabinet formalaşana qədər Paşinyan və nazirlər öz vəzifələrini müvəqqəti icra edən statusunda sürdürəcəklər. Seçkilərdə çoxluq qazanan hakim partiya Paşinyanın namizədliyini yenidən baş nazir postuna təqdim edib.
