Kəlbəcərin otaqlı, zar, qamışlı, zallar və yanşaq kəndləri üzrə layihə hazırlıqları yekunlaşıb və sənədlər ekspertiza baxışına göndərilib.
Kəlbəcər rayonunda həyata keçirilən yenidənqurma layihələri çərçivəsində bir sıra yaşayış məntəqələri üzrə mühüm işlər görülür. Elpress.az – ın Apa- ya istinadən verdiyi məlumata görə, bunu “Laçın&Kəlbəcər: Urbisiddən və münaqişədən sonrakı yenidənqurmaya aparan yol” adlı tədbirdə Azərbaycan Respublikası Prezidentinin Kəlbəcər rayonu üzrə xüsusi nümayəndəsi Bəşir Hacıyev bildirib.Onun sözlərinə görə, işğaldan azad edilmiş ərazilərdə təhlükəsiz yaşayış şəraitinin formalaşdırılması və sakinlərin qayıdışının sürətləndirilməsi istiqamətində həyata keçirilən tədbirlər çərçivəsində Kəlbəcər şəhərinin birinci mərhələsi üzrə tikinti prosesi yekunlaşıb və mənzillər istifadəyə təqdim edilib.Bununla yanaşı, şəhərin ikinci, üçüncü və dördüncü yaşayış məhəllələri üzrə layihələndirmə və ekspertiza işləri hazırda davam etdirilir. Çaykənd, Çəpli və Dəlləkli kəndləri ilə bağlı layihə hazırlığı da aparılır.Həmçinin bildirilib ki, Kəlbəcər şəhərində 2,42 və 10,1 hektarlıq əraziləri əhatə edən inzibati binaların layihələri üzərində iş gedir. Bununla yanaşı, İşğal və Zəfər Muzeyləri Kompleksinin tikintisinin həyata keçirilməsi nəzərdə tutulur.Şəhərdə inşa olunan təhsil kompleksi üzrə tikinti işlərinin də davam etdiyi qeyd edilib.
