Elpress.az xəbər verir ki, Prezident İlham Əliyev Naxçıvan şəhərində Əmək və Əhalinin Sosial Müdafiəsi Nazirliyinin tabeliyində fəaliyyət göstərən DOST Agentliyinin Naxçıvan Regional DOST Mərkəzinin açılış mərasimində iştirak edib.
Dövlət başçısı yeni mərkəzin fəaliyyəti ilə tanış olub və burada yaradılan şəraitlə bağlı məlumat alıb.Naxçıvan Regional DOST Mərkəzinin istifadəyə verilməsi sosial xidmətlərin daha əlçatan və müasir formada göstərilməsi baxımından əhəmiyyətli addım kimi qiymətləndirilir.
Mərkəzdə vətəndaşlara müxtəlif sosial xidmətlərin vahid platforma üzərindən təqdim edilməsi nəzərdə tutulur.
Qeyd edək ki, DOST mərkəzlərinin əsas məqsədi sosial xidmətlərə müraciət edən vətəndaşlar üçün daha rahat, operativ və şəffaf xidmət imkanları yaratmaqdır.
