Bu gün Bakı və Ağdaş rayonunun bir sıra ərazilərində planlı təmir işləri ilə əlaqədar elektrik enerjisinin verilişində müvəqqəti fasilələr yaranacaq.
Elpress.az xəbər verir ki, bu barədə “Azərişıq” ASC məlumat yayıb.Məlumata əsasən, elektrik şəbəkəsində etibarlılığın artırılması və artan enerji tələbatının qarşılanması məqsədilə transformator məntəqələrində və 10 kV-luq hava xətlərində təmir işləri aparılacaq.
Paytaxtın Yasamal rayonunda Cəfər Cabbarlı, Zivər bəy Əhmədbəyov və Məhəmməd Naxçıvani küçələrinin bir hissəsində elektrik enerjisinin verilişində məhdudiyyət tətbiq ediləcək.
Nərimanov rayonunun Böyükşor qəsəbəsinin bəzi ərazilərində isə elektrik enerjisi saat 09:00-dan 13:00-dək kəsiləcək.
Ağdaş rayonunda planlı fasilələr Aşağı Ağcayazı, Yuxarı Ağcayazı, Dəhnə kəndləri, Türyançay qəsəbəsi, şəhərin 42-ci məhəlləsi, eləcə də Qoşaqovaq, Qolqəti və Şəkili kəndlərini əhatə edəcək.
“Azərişıq” bildirib ki, təmir işləri başa çatdıqdan sonra qeyd olunan ərazilərin sakinləri daha keyfiyyətli və dayanıqlı elektrik enerjisi ilə təmin olunacaqlar.
