Paytaxtın bir sıra əsas küçə və prospektlərində səhər saatlarından etibarən nəqliyyatın hərəkətində sıxlıq yaranıb.
Elpress.az xəbər verir ki, Daxili İşlər Nazirliyinin Nəqliyyatı İntellektual İdarəetmə Mərkəzi paytaxtda hazırkı yol vəziyyəti ilə bağlı məlumat yayıb.
Məlumata əsasən, nəqliyyatın hərəkətində sıxlıq əsasən
Bakı–Sumqayıt şosesində “20 Yanvar” metrostansiyası istiqamətində,
1-ci Gölkənarı yolunda Ziya Bünyadov prospekti istiqamətində,
8 Noyabr prospektində Süleyman Əhmədov küçəsi ilə kəsişmədən şəhər mərkəzi istiqamətində,
Afiyəddin Cəlilov küçəsində Yusif Səfərov küçəsi istiqamətində, eləcə də Tbilisi prospektində “20 Yanvar” metrostansiyasından mərkəzə doğru qeydə alınıb.
Sürücülərə sıxlığın müşahidə olunduğu istiqamətlərdə ehtiyatlı olmaları, mümkün olduqda alternativ marşrutlardan istifadə etmələri tövsiyə olunur.
