Antarktidada yerləşən və uzun illər alimlərin diqqət mərkəzində olan qırmızı rəngli “Qan Şəlaləsi”nin sirri nəhayət ki, tam izah olunub.
Elpress.az xəbər verir ki, son elmi araşdırmalar nəticəsində məlum olub ki, qırmızı rəngdə axan şəlalə buz qatının təxminən 500 metr altında sıxılıb qalmış, təxminən 2 milyon il yaşı olan qədim duzlu göllə əlaqədardır.Mütəxəssislərin bildirdiyinə görə, həmin su yüksək miqdarda duz və dəmir ehtiva edir. Su buz qatından çıxaraq hava ilə təmasda olduqda dəmir oksidləşir və pas reaksiyası nəticəsində su qırmızı rəng alır. Məhz bu proses şəlaləyə qeyri-adi görünüş verir.
Alimlər hesab edirlər ki, bu kəşf təkcə təbiət hadisəsinin izahı deyil, həm də həyatın ekstremal şəraitdə – dondurucu soyuq və tam qaranlıq mühitdə belə mövcud ola biləcəyini göstərən mühüm elmi sübutlardan biridir.
