Bu gün Vətən müharibəsindən sonra azad edilmiş ərazilərdə xidməti vəzifəsini yerinə yetirərkən şəhid olan jurnalist Sirac Abışovun anadan olmasından 37 il ötür.
Elpress.az xəbər verir ki, AzTV-də operator kimi fəaliyyət göstərən Sirac Abışov 2021-ci il iyunun 4-də Kəlbəcər rayonunun Susuzluq kəndinə gedən yolda baş verən mina partlayışı nəticəsində şəhid olub.Hadisə zamanı jurnalistlərlə yanaşı, Kəlbəcər Rayon İcra Hakimiyyətinin nümayəndəsi Arif Əliyev də həyatını itirib, daha dörd nəfər xəsarət alıb.Sirac Abışov doğma torpaqların işğaldan azad olunmasından sonra həmin ərazilərdə çəkiliş apararaq baş verənləri ictimaiyyətə çatdıran jurnalistlərdən biri olub.
Elpress.az olaraq şəhid jurnalist Sirac Abışovun əziz xatirəsini dərin hörmət və ehtiramla yad edirik.
