Azərbaycanlı yazıçı Vüqar Haqverdiyevin “Pis uşaqlar planeti” pyesi əsasında hazırlanan “Düzəlmə planetinə səyahət” tamaşası Rusiyada keçirilən beynəlxalq teatr müsabiqəsində yüksək nəticə əldə edib.
Elpress.az Kulis.az-a istinadən xəbər verir ki, səhnə əsəri “Mir Teatra” VI Beynəlxalq Teatr Sənəti Müsabiqəsində “Teatr yaradıcılığı – Tamaşa” nominasiyası üzrə I dərəcəli laureat adına layiq görülüb.Müsabiqə Moskvada onlayn formatda təşkil olunub və müxtəlif ölkələrdən teatr kollektivləri iştirak edib. Layihə Rusiya və Avstriyanın tanınmış teatr xadimlərindən ibarət münsiflər heyəti tərəfindən qiymətləndirilib.Tamaşa Rusiyanın Xantı-Mansi Muxtar Dairəsinin Nefteyuqansk şəhərində fəaliyyət göstərən “Çayka” Gənclər Teatr-Studiyası tərəfindən səhnələşdirilib. Səhnə işi rejissor yozumu və aktyor oyunu ilə münsiflərin diqqətini çəkib.Layihənin yaradıcı heyəti və müəllifi teatr sənətinə verdikləri töhfəyə görə xüsusi təşəkkür məktubları ilə təltif olunublar.
