Dövlət qulluqçularının peşə bayramı münasibətilə Yasamal Rayon İcra Hakimiyyəti tərəfindən silsilə anım və tədbirlər keçirilib.
Elpress.az-ın Qafqazinfo.az-a istinadən verdiyi məlumata əsasən, Tədbir çərçivəsində rayon rəhbərliyi və icra hakimiyyətinin əməkdaşları Ümummilli Lider Heydər Əliyevin Fəxri xiyabandakı məzarını ziyarət edərək onun xatirəsini ehtiramla yad edib, məzarı önünə gül dəstələri düzüblər.Daha sonra icra hakimiyyətinin inzibati binasında Ulu Öndərin büstü önünə güllər qoyulub və onun dövlətçilik irsinə dərin hörmət ifadə olunub.Yasamal Rayon İcra Hakimiyyətinin başçısı Elşad Həsənov çıxış edərək dövlət qulluqçularını peşə bayramı münasibətilə təbrik edib, onların fəaliyyətinin ölkənin idarəçilik sistemində mühüm rol oynadığını vurğulayıb.O qeyd edib ki, Prezident İlham Əliyev tərəfindən dövlət idarəçiliyində səmərəlilik, operativlik və vətəndaş məmnunluğunun artırılması prioritet istiqamət kimi müəyyən edilib.Tədbirdə dövlət qulluqçularının etik davranış qaydalarına riayət etməsi, vətəndaş müraciətlərinə həssas yanaşması və xidmət keyfiyyətinin yüksəldilməsi kimi məsələlər də xüsusi vurğulanıb.Sonda rayonun ictimai-siyasi həyatında fəallığı ilə seçilən bir qrup əməkdaş təltif olunub.
