Cinayət və Cinayət-Prosessual məcəllələrə terrorçuluğun maliyyələşdirilməsinin qarşısının alınması ilə bağlı dəyişikliklər təklif olunur
Elpress.az xəbər verir ki, Terrorizmin maliyyələşdirilməsinin qarşısının alınması və bu sahədə hüquqi mübarizə mexanizmlərinin gücləndirilməsi məqsədilə qanunvericiliyə dəyişikliklər hazırlanıb.Dəyişikliklər Cinayət və Cinayət-Prosessual məcəllələrə təklif olunur və Milli Məclisin Hüquq siyasəti və dövlət quruculuğu komitəsinin iclasında müzakirəyə çıxarılıb.Layihənin əsas məqsədi terrorizmin maliyyələşdirilməsinə qarşı mübarizənin səmərəliliyinin artırılması, hüquqi şəxslərin bu sahədə məsuliyyətinin daha dəqiq müəyyənləşdirilməsi, həmçinin Azərbaycanın beynəlxalq öhdəliklərinin və FATF standartlarının milli qanunvericilikdə daha effektiv tətbiq edilməsidir.Təkliflərə əsasən, terror fəaliyyətində istifadə oluna biləcək maliyyə vəsaitlərinin vaxtında müəyyənləşdirilməsi, onların hərəkətinin qarşısının alınması, dondurulması və müsadirəsi istiqamətində hüquqi mexanizmlərin təkmilləşdirilməsi nəzərdə tutulur.Layihədə hüquqi şəxslərin məsuliyyətə cəlb edilməsi ilə bağlı icraatın xüsusiyyətlərindən irəli gələn uyğunlaşdırıcı dəyişikliklərin də edilməsi təklif olunur.
