Elpress.az APA-ya istinadən xəbər verir ki, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi, general-mayor Mürsəl İbrahimov son üç ildə qurumun 500-dən artıq əməkdaşının intizam məsuliyyətinə cəlb olunduğunu açıqlayıb.
Onun sözlərinə görə, həmin dövrdə 100-dən çox fakt üzrə toplanmış materiallar hüquqi qiymət verilməsi üçün prokurorluq orqanlarına təqdim edilib.Mürsəl İbrahimov bildirib ki, xidmətdə şəffaflığın artırılması, korrupsiya risklərinin aradan qaldırılması və vətəndaş məmnunluğunun yüksəldilməsi istiqamətində sistemli tədbirlər davam etdirilir.
Xidmət rəisi qeyd edib ki, açıqlanan statistika onu sevindirmir və korrupsiya hallarının qarşısının alınmasında cəmiyyətin də üzərinə məsuliyyət düşür.“Vətəndaşlarımızı və media nümayəndələrini Xidmətlə bağlı məlumatları obyektiv şəkildə təqdim etməyə çağırıram. Əmin edirəm ki, quruma daxil olan hər bir müraciət və məlumat diqqətlə araşdırılır və nəticəsinə uyğun müvafiq qərarlar qəbul olunur”, – deyə Mürsəl İbrahimov vurğulayıb.
