Ermənistanda 1 mart hadisələri ilə əlaqədar ordunun 4 keçmiş korpus komandirinə qarşı cinayət təqibi başlanılıb.
Elpress.az-ın məlumatına görə, keçmiş komandirlər – Poqos Poqosyan, Valeri Qriqoryan, Aykaz Baqmanyan və Levon Yeranosyan vəzifə səlahiyyətlərini aşmaq və bununla ağır nəticələrə yol açmaqda ittiham olunurlar.İstintaqın iddiasına əsasən, onlar qanunsuz əmrləri icra edərək keçmiş müdafiə naziri Mikael Arutyunyan və “1 mart işi” üzrə ittiham olunan digər yüksək vəzifəli şəxslərə, o cümlədən sabiq prezident Robert Koçaryan, sabiq müdafiə naziri Seyran Ohanyan və Yuri Xaçaturova səlahiyyət həddini aşmaqda köməklik göstəriblər.Baş Prokurorluğun bildirdiyinə görə, həmin şəxslərin fəaliyyəti 2008-ci il 1 mart hadisələri zamanı baş vermiş qanunsuz hərəkətlərlə əlaqədardır.Qeyd edək ki, “1 mart işi” Ermənistanda 2008-ci il prezident seçkilərindən sonra keçirilən kütləvi etirazların dağıdılması və nəticədə insan tələfatı ilə bağlı açılıb.
