Qırğızıstan paytaxtında 15 minə yaxın təhlükəsizlik əməkdaşı gücləndirilmiş rejimdə xidmət aparır
Elpress.az xəbər verir ki, Şanxay Əməkdaşlıq Təşkilatının sammiti ilə əlaqədar Qırğızıstanın paytaxtı Bişkekdə təhlükəsizlik tədbirləri yüksək səviyyədə təşkil olunub.“МИР 24”ün məlumatına görə, 21 ölkədən nümayəndə heyətlərinin qatıldığı tədbir çərçivəsində Daxili İşlər Nazirliyi, Müdafiə Nazirliyi, Fövqəladə Hallar Nazirliyi və digər qurumların təxminən 15 min əməkdaşı gücləndirilmiş iş rejiminə keçirilib.Paytaxtın əsas küçələrində, otellərin və sammitin keçiriləcəyi məkanların ətrafında mühafizə postları yaradılıb. Təhlükəsizlik qüvvələri 12 saatlıq növbə sistemi ilə gecə-gündüz xidmət aparır.Sammitin təhlükəsizliyinin təmin edilməsinə müxtəlif dövlət qurumlarının əməkdaşları da cəlb olunub. Otellərin yaxınlığında texniki nasazlıqların operativ aradan qaldırılması üçün elektrik şəbəkəsi mütəxəssisləri də növbə çəkir.Tədbir müddətində Bişkekdə bəzi məkanların fəaliyyətinə məhdudiyyətlər tətbiq olunub. Şəhərdəki ticarət mərkəzlərindən biri ziyarətçilərin girişinə bağlanaraq jurnalistlərin istifadəsinə verilib.Bundan əlavə, Qırğızıstan Dünya Köçəri Oyunlarının açılışına da hazırlaşır. Tədbirlərlə əlaqədar ölkəyə təxminən 100 min iştirakçı və qonağın gələcəyi gözlənilir.
