Kamran Əliyev Şamaxı, Qobustan, Ağsu və İsmayıllı sakinlərinin müraciətlərini dinləyib
Elpress.az xəbər verir ki, Baş prokuror Kamran Əliyev Şamaxı rayon prokurorluğunun inzibati binasında Şamaxı, Qobustan, Ağsu və İsmayıllı rayonlarından olan vətəndaşlarla görüş keçirib.Qəbuldan əvvəl Kamran Əliyev Şamaxı şəhərinin mərkəzində ucaldılmış Heydər Əliyevin abidəsini ziyarət edib və Ulu Öndərin xatirəsini yad edib.Qəbul zamanı 33 vətəndaşın müraciəti dinlənilib. Müraciətlərdə ayrı-ayrı cinayət işlərinin istintaqı, törədilmiş cinayətlər barədə məlumatların araşdırılması zamanı mümkün qanun pozuntuları, məhkəmələrdə baxılan cinayət işləri üzrə dövlət ittihamının müdafiəsi ilə bağlı məsələlər qaldırılıb.Bununla yanaşı, vətəndaşlar mülki xarakterli mübahisələr və sosial problemlərlə bağlı müraciətlər də ediblər.Qaldırılan məsələlərin prokurorluq orqanlarında və ya aidiyyəti dövlət qurumlarında araşdırılması və operativ həlli üçün müvafiq göstərişlər verilib
