Elpress.az xəbər verir ki, Azərbaycandan tranzit keçməklə Rusiyadan Ermənistana növbəti buğda tədarükü həyata keçirilib.
Məlumata görə, 10 vaqondan ibarət, ümumi çəkisi 700 ton olan buğda yükü bu gün Biləcəri stansiyasından Böyük Kəsik istiqamətinə yola salınıb.Bununla da, indiyədək Rusiyadan Ermənistana Azərbaycan üzərindən 33 min tondan artıq taxıl daşınıb. Eyni zamanda, tranzit marşrutu ilə Ermənistana 8 min tona yaxın gübrə, 133 ton alüminium, 68 ton qarabaşaq və 414 ton antrasit göndərilib.Bundan başqa, Azərbaycanla Ermənistan arasında bir sıra neft məhsullarının tədarükü də həyata keçirilir. Məlumata əsasən, indiyədək Ermənistana Azərbaycandan 14 min tondan çox dizel yanacağı, həmçinin 4 min tondan artıq Aİ-92 və Aİ-95 markalı benzin ixrac edilib.Azərbaycanın regionun əsas nəqliyyat və logistika mərkəzlərindən biri kimi beynəlxalq yükdaşımalarında rolunun artdığı vurğulanır.
