Elşən
23 Aprel 2026 · 09:23
32 baxış
Latviya Prezidenti Edqars Rinkeviçs Azərbaycan Prezidenti İlham Əliyevi Latviyaya səfərə dəvət edib.
O, Bakıda keçirilən birgə bəyanatda bildirib ki, tərəflər artıq bir neçə dəfə görüşüblər — həm onun xarici işlər naziri olduğu dövrdə Bakıda, həm də ötən il Davosda.
Rinkeviçs Azərbaycana rəsmi səfər etməkdən məmnunluq duyduğunu qeyd edib və İlham Əliyevi Riqada görməyi səbirsizliklə gözlədiklərini vurğulayıb. Onun sözlərinə görə, Azərbaycan Prezidentinin son Latviya səfərindən təxminən 10 il keçib və bu cür qarşılıqlı səfərlər iki ölkə arasında dostluq münasibətlərini daha da gücləndirir.
Latviya Prezidenti həmçinin Bakıya ilk dəfə 2002-ci ildə gəldiyini xatırladıb və son illərdə şəhərin sürətli inkişafına heyran qaldığını bildirib.
