Tovuz rayonunda çayda 22 yaşlı gəncin batdığı ehtimal edilir.
Elpress.az-ın Azərtac.az-a istinadən verdiyi məlumata əsasən, Hadisə Tovuz çayının Dondar Quşçu kəndi ərazisindən keçən hissəsində qeydə alınıb. Məlumata görə, 22 yaşlı Ağdam rayon sakini İlham Şirinov Bakı şəhərindən Tovuzun Dondar Quşçu kəndinə qohumlarının yanına qonaq gəlib.Son günlər bölgədə müşahidə olunan intensiv yağışlar nəticəsində Tovuz çayında suyun səviyyəsi kəskin şəkildə yüksəlib, axının sürəti isə güclənib. Bu səbəbdən çayın təhlükəli vəziyyət alması ehtimal olunur.İlkin məlumatlara görə, gəncin çaya düşərək batdığı güman edilir. Hadisə yerinə hüquq-mühafizə orqanlarının əməkdaşları və aidiyyəti qurumların xilasediciləri cəlb olunub, axtarış işləri davam etdirilir.Faktla bağlı araşdırma aparılır.
