Azərbaycan Prezidenti İlham Əliyevin tapşırıqlarına uyğun olaraq vətəndaş müraciətlərinə baxılması istiqamətində tədbirlər davam etdirilir.
Elpress.az “Report”a istinadən xəbər verir ki, iyunun 12-də Baş prokuror Kamran Əliyev Bakı şəhərinin Nərimanov rayonunda vətəndaş qəbulu keçirib.Nərimanov Rayon Prokurorluğunun inzibati binasında təşkil olunan qəbul zamanı rayon sakinlərinin müxtəlif məzmunlu müraciətləri dinlənilib.Qəbulda iştirak edən 48 vətəndaşın müraciətləri əsasən cinayət işlərinin istintaqı, hüquqpozmalara dair araşdırmalar və məhkəmə proseslərində dövlət ittihamının müdafiəsi ilə bağlı olub. Səsləndirilən məsələlərin operativ həlli məqsədilə aidiyyəti qurumlara müvafiq tapşırıqlar verilib.Müraciətlərin hərtərəfli araşdırılması və qanunvericiliyin tələblərinə uyğun həlli nəzarətə götürülüb.
