Aysel Əlibəyli
02 Oktyabr 2026 · 11:15
1080 baxış
Prezident İlham Əliyev Ulu Öndər Heydər Əliyevin müəyyən etdiyi siyasi xəttin əsas prinsiplərinin bu gün də qorunduğunu bildirib.
Elpress.az xəbər verir ki, dövlət başçısı bunu Yeni Azərbaycan Partiyasının VIII Qurultayında çıxışı zamanı deyib.
Prezident qeyd edib ki, zaman keçdikcə taktiki, hətta strateji məqsədlərdə müəyyən dəyişikliklər baş verə bilər. Lakin əsas siyasi istiqamətin dəyişmədiyini vurğulayıb.
İlham Əliyevin sözlərinə görə, bu xəttin təməlində Azərbaycanın müstəqilliyi, dövlətçilik prinsipləri, iqtisadi müstəqillik, güclü hərbi potensial və ölkənin öz imkanlarından maksimum yararlanması dayanır.
Dövlət başçısı bu prinsiplərin Azərbaycanın inkişafında əsas istiqamət olaraq qalmasını diqqətə çatdırıb.
