Azərbaycan Prezidenti İlham Əliyev Ermənistanla münasibətlərdə yeni mərhələyə keçidin vacibliyindən danışıb.
Elpress.az xəbər verir ki, dövlət başçısı Azərbaycanla Ermənistan arasında ticarət əlaqələrinin də başladığını bildirib.
İlham Əliyev bunun hər bir ölkə üçün əhəmiyyətli olduğunu qeyd edib və Azərbaycan xalqının keçmişdə yaşadığı faciələrin unudulmamasının vacibliyini vurğulayıb.
Prezident çıxışında Azərbaycan cəmiyyətində Ermənistanla bağlı tarixi yaddaşın mühüm yer tutduğunu qeyd edərək, keçmişdə yaşanan hadisələrdən nəticə çıxarılmasının və ayıq-sayıq olmağın vacibliyini bildirib.
Dövlət başçısı Azərbaycanın hər zaman güclü olması və təhlükəsizliyini təmin edə biləcək imkanlarını qorumasının əsas amillərdən biri olduğunu deyib.
İlham Əliyev qeyd edib ki, Azərbaycan bundan sonra da güclü olmalı və baş verənləri heç vaxt unutmamalıdır.
